呢幾日你係咪唔明點解我會問你咁多問題呢? 我呢家話你知呀....
係你生日個個星期, 我不停咁問自己好唔好同你講生日快樂呢?? 我怕如果我搵你既話, 我最後都會HURT 到你... 之後, 你生日冇ONLINE, 我個心好唔舒服, 好想搵到你, 但又唔知你去左邊?? 到見返你ONLINE, 我個心好安穩, 好安靜, 我唔知點解會咁..... 個一刻, 我就諗, 點解我會咁呢?? 到我個日同你做問卷調查, 知道你都有掛住我, 你知唔知呀, 我開心左成日呀..... 到之後個幾日, 我搵極你都唔同我講野, 我個心好不安, 好唔知點咁.... 有幾個問題, 可能你會覺得我問得好奇怪, 我呢家話你知點解呀...
我問你, 你知唔知我想要D 咩...我呢一刻, 我好想要一段有安全感既感情, 比8 年前既我更加需要安全感, 呢兩個星期, 我不停問自己, 你真係可以開始一段遠距離既戀愛? 我唔知答案, 但我真係好想俾你知... 我最需要既野係咩, 我唔想你唔知, 我地會好似8 年前咁樣......
今日問你係咪單身, 係你同我講, 你FACEBOOK 上寫既野係真既, 不過你上面寫你已經結左婚, 我好怕, 我唔知你呢幾年究竟發生咩事, 唔知你真定假, 我只係想係我仲可以抽身既時候問清楚, 我唔想第時後悔....
我唔知你睇到呢度你覺得點, 不過我想同你講, 我已經決定左開始一段遠距離既戀愛啦, 你呢??
希望你唔會好似8年前咁以沉默來回應我.... 等你
